كورونا فيرس

(أب قالي طب خليني للصبح حتي أشبع من ولادي ! وأم قالتلي طب والنبي ف صمت مش عايزة الجيران يتنمروا علي ولادي !! )

دي كانت شهادة دكتور عن الإجابات اللي بيستقبلها لما بيبلغ حد من المرضي إنه هيتنقل للعزل الصحي!. 

الحجر  الصحي أهميته بتتلخص في إني أقلل انتشار العدوي من المريض لحين شفاؤه بالإضافة للعناية الخاصة اللي بتتطلبها بعض الحالات ..

اللي هي مين ؟ في حال وصول الأعراض لضيق في التنفس مع وجود كحة وارتفاع في درجة الحرارة في الحالة دي بنتصل بالطواريء 🔹105🔹وبيوصلونا بأقرب مستشفي عزل صحي. 

⏪في الفيوم : في مستشفي العزل الصحي بإبشواي وفيها 99 أسرة إقامة و 8 أسرة عناية.

⏪في بني سويف : مستشفي بني سويف التخصصي فيها 190 أسرة إقامة و 38 سرير للرعاية المركزة و 7 أسرة رعاية للأطفال.

♦ إيه اللي بيتم فالحجر الصحي؟ بنقدم للمريض حاجة اسمها ( supportive and symptomatic treatment )فيروس كورونا إلي الآن ملوش علاج مخصص أو مصل للوقاية منه وفقا لمنظمة الصحة العالمية .. الهدف من الرعاية الصحية هو إننا نعالج الأعراض المنفردة اللي بيسببها الفيروس وإنه يتم التدخل في حال وجود مضاعفات.

♦الحجر الصحي مش النهاية أبدا زي ما بعض الناس فاهمة .. معدل الوفيات من فيروس كورونا هو 2% .. في مصر في 41 حالة تم خروجها من العزل الصحي بالفعل وفي الصين عدد الحالات اللي شفيت بشكل كامل تعدي 72 ألف.

♦ طيب لو أنا عندي الأعراض السابق ذكرها بس أنا مسافرتش برة مصر ! ؟ الحقيقة إنه ده في ظل معدل استيطان الفيروس في مصر مينفعش يكون تأكيد بالنفي وعشان كده بنؤكد تااني إنه الحل "لزوم المنازل وفقط"

♦الخطورة بتعلي في حال الأمراض المزمنة زي أمراض الجهاز التنفسي أو أمراض السكر والقلب وكبار السن ( أكثر نسبة وفيات هي لمرضي فوق 80 بمعدل 18.5% ) وبالتالي تجنب الاختلاط والإجراءات الوقائية أهميته بالتضاعف بالنسبالهم

صحبتكم السلامة دائما وأبدا

#المجتمعات_هي_من_تصنع_الفارق!

#stay_at_home